FRIPRO-prosjektet om synet på barn, "The social meaning of children", tok til hausten 2009 i samarbeid mellom Universitetet i Oslo og NTNU. Ved hjelp av tverrfaglige tilnærmingar i seks delprosjekt skal forskarane finne svar på ei rekkje spørsmål om folk sine haldningar til det å få barn og kva som påverkar avgjerdene om å få eller ikkje få barn.
Det finst gode statistiske data når det gjeld barnefødslar, men alt for lite forsking om prosessen som kjem før det å få barn – kven som velgjer kva og kvifor. Dessutan er Noreg ein del av eit spesielt fertilitetsmønster: Nordiske kvinner får fleire barn enn kvinner i resten av Europa. Ein god familiepolitikk får ofte æra for dette, men det finst forsking som peiker i retning av at familiepolitikken ikkje verkar så direkte på fertilitetsnivået som vi likar å tru. Prosjektet vil undersøkje avgjerdene både kvinner og menn tar om det å få barn. For å forstå nyare fertilitetstrendar er vala menn gjer – som hittil har vore lite studert – helt avgjerande.
Foto: Frank Paul Silye (© All rights reserved)
Dei viktigaste spørsmåla for prosjektet er:
- Korleis passar førestellinga om barn inn i kvar enkelt sin livsstil og i samfunnet?
- Kva tenkjer unge kvinner og menn om det å få barn – er det eit privilegium, ei plikt eller rett og slett ein naturlig del av livet?
- Korleis verkar sosiale, økonomiske og institusjonelle forhold saman for å gjere det enkelt eller vanskelig å få barn?
Prosjektet vil også inkludere samanlikningar med andre europeiske land. Det vil kombinere teoretiske og empiriske tilnærmingar frå demografi, sosiologi og sosialantropologi.
For meir informasjon, sjå den engelske prosjektsida.